Medrese dırektory «Ana men bala» alleıasynyń ashylýyna qatysty (FOTO)

16 mamyr 2019 5483 0
Оqý rejımi

Qasıetti Ramazan aıynda Qazaqstan isker áıelder qaýymdastyǵy Nur-Sultan qalasy ákimdiginiń jáne qoǵamdyq densaýlyq saqtaý basqarmasynyń qoldaýymen ıgi shara uıymdastyryp, Elordamyzdaǵy №2 balalar aýrýhanasyna tamasha syılyq jasady. Qaýymdastyq músheleriniń muryndyq bolýymen «Ana men bala alleıasy» respýblıkalyq aktsııasy uıymdastyrylyp, №2 qalalyq balalar aýrýhanasynyń aýmaǵyna 180-ge jýyq aǵash otyrǵyzyldy.

Qazaqstannyń isker áıelder qaýymdastyǵynyń prezıdenti Raýshan Sársembaevanyń aıtýynsha, bul ıgi sharanyń uıymdastyrylyp kele jatqanyna 10 jyldan asqan kórinedi. Búgingi kúnge deıin «Ana men bala» alleıalar men saıabaqtar aktsııasyn ótkizý aıasynda aımaqtarda 20-dan astam jańa «Ana men bala» alleıalary men saıabaqtary quryldy. 7 myńnan astam aǵash otyrǵyzylyp, 10 myńǵa jýyq gúl egilgen eken.

Igi sharaǵa Elordamyzdaǵy «Astana» medrese-kolledjiniń dırektory Ibragım Keldibaıuly da qatysyp, óz úlesin qosyp qaıtty. Igilikti sharaǵa atsalysqan barsha jandarǵa  alǵysyn jetkizip, «Ana men bala» alleıasynyń ashylý saltanatyn duǵamen berekelendire tústi.

Pіkіrler Kіrý