MEDRESE STÝDENTTERI ARASYNDA ULTTYQ SPORT TÚRLERINEN SAIYS ÓTTI

Astana medrese-kolledjiniń stýdentteri arasynda ulttyq sport túrlerinen saıys uıymdastyryldy.

Rýhanı kelisim kúnine oraı ótken is-sharaǵa Astana qalasynyń Bas ımamy Nurbek qajy Áýeshanuly, oqý ornynyń dırektory Qanat Qalymbetuly, Jastar isi sektorynyń meńgerýshisi Nurbolat Sovethanov, medrese ustazy Mahmýd Saıd jáne stýdentter qatysty.

Saıys barysynda shákirtter asyq atý, arqan tartys, jaıaý tartys, shege qaǵý jáne sadaq atý sekildi ulttyq oıyn túrlerinen baq synady. Qatysýshylar ózara kúsh, eptilik pen mergendik tanytyp, jarys tartysty ári qyzyqty ótti.

Shara barysynda sóz alǵan Astana qalasynyń bas ımamy Nurbek qajy Áýeshanuly jastar tárbıesindegi sporttyń ornyna toqtalyp, ulttyq oıyndardyń urpaq boıynda qaısarlyq, tózimdilik pen uıymshyldyq qasıetterin qalyptastyrýdaǵy mańyzyn atap ótti. Sondaı-aq stýdentterdi bilim alýmen qatar, dene shynyqtyrýǵa kóńil bólip, ulttyq qundylyqtardy qurmetteýge shaqyrdy.

Jarys qorytyndysy boıynsha úzdik nátıje kórsetken stýdentterge aqshalaı sertıfıkattar tabystaldy.  

Источник: Aisha