MEKKEDE ALǴAShQY MEDITsINALYQ KÓMEK KÓRSETÝ ORTALYǴY AShYLDY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mekke qalasynda Qajylyq mıssııasy janynan ashylǵan alǵashqy medıtsınalyq kómek kórsetý ortalyǵynyń ashylýyna qatysty.

Mıssııa quramymen Mekke qalasyna kelgen joǵary dárejeli medıtsına mamandary Bas múftıge ortalyq jumysymen, sonymen qatar qazaqstandyq qajylar úshin arnaıy elden jetkizilgen otandyq dári-dármekterdiń tizimimen tanystyrdy.

«Qajylardyń densaýlyǵyn qadaǵalaý, olarǵa der kezinde dárigerlik kómek kórsetý – Qajylyq mıssııasynyń negizgi jumys baǵyttarynyń biri. Sondyqtan bul saladaǵy jumystardy tııanaqty túrde jaýapkershilikpen oryndaýymyz kerek. Osy rette qajylar arasynda túsindirý is-sharalaryn júrgizý asa mańyzdy. Aýyryp em izdegenshe, aýyrmaıtyn joldy izdeýge kómektesýimiz kerek» dedi Naýryzbaı qajy Taǵanuly.