Mekkede musylman elderiniń din qaıratkerleri bas qosty (FOTO)

27 tamyz 2018 6950 0
Оqý rejımi

Qasıetti Mekke shaharynda Túrkııa Din isteri basqarmasynyń uıytqy bolýymen musylman elderiniń din qaıratkerleri bas qosty. Halyqaralyq jıynǵa 20-dan astam memlekettiń múftıleri, ǵalymdary, elshileri, konsýldary, ýaqyp jəne qajylyq qorlarynyń jetekshileri qatysty.

Aıtýly is-sharaǵa qazaqstandyq delegatsııany Qajylyq mıssııasynyń tóraǵasy, naıb múftı Baýyrjan Əbdirashuly bastap bardy. Delegatsııa quramynda QR Qoǵamdyq damý mınıstrliginiń ókili Baqytjan Jumabekuly, QMDB Apparat basshysy Ǵylymbek Məjıev, Sharıǵat jəne pətýa bóliminiń meńgerýshisi Sansyzbaı Qurbanuly, QMDB baspasóz hatshysy Aǵabek Qonarbaıuly boldy.

Alqaly jıynda alǵashqy sóz alǵan Túrkııa Din isteri basqarmasynyń tóraǵasy, doktor Əlı Erbash jınalǵan qaýymdy qurban aıtpen quttyqtap, din ǵalymdaryn əlemdik ıslamofobııa úderisine qarsy turýǵa shaqyrdy. Sonymen qatar, din atyn jamylyp, qarý asynǵan dinbuzarlardyń əreketin aıyptap, birikken túrde olarǵa qarsy ún qatý qajettigin sóz etti. Din ǵulamalary jer betinde zulymdyqqa ushyrap jatqan musylmandar úshin duǵa jasady. Minberde sóz alǵan ǵulamalar musylman úmbetiniń baýyrmashyldyǵyn arttyrý, tatýlyq pen ózara túsinistik qundylyqtaryn damytý, musylmannyń musylmanǵa degen janashyrlyq sezimderin oıatý syndy məseleler tóńireginde pikir alysty.

Halyqaralyq basqosý barysynda naıb múftı Baýyrjan Esmahan Túrkııa Din isteri basqarmasynyń tóraǵasy Əlı Erbashpen suhbattasyp, Bas múftı Serikbaı qajy Orazdyń izgi tilegi men duǵaı səlemin jetkizdi.Əlemdik musylman úmbeti ǵalymdarynyń basyn qosqan sharada Quran oqylyp, Allaǵa madaq, paıǵambarǵa salaýat aıtyldy. Shara sońynda mərtebeli meımandar merekelik dastarhan basynda emen-jarqyn əńgimelesti.

Pіkіrler Kіrý