Mekkede Qaǵbanyń kısýasyn tigý is-sharasy ótti (FOTO)
QMDB Tóraǵasy, Bas múftı Naýryzbaı qajy Taǵanuly Mekke qalasyndaǵy qasıetti Qaǵbanyń kısýasyn tigý is-sharasyna qatysty.
Bul tigilip jatqan jańa kısýa (Qaǵbanyń syrtqy jabdyǵy) bıyl arapa kúni aýystyrylady. Bas múftı qasıetti Quran aıattaryn jazý barysynda elimizge duǵa jasady.
Aıta keteıik, Qaǵbanyń kısýasy arapa kúni aýystyrylady. Qymbat ári berik jibekten jasalady. Oǵan 150 keli altyn, 100 keli kúmis jáne 670 keli jibek jumsalady.
Zulhıjja aıynda jylyna bir ret aýystyrylatyn kısýanyń joǵary bóligi – 41 metr, eni – 47 metr. Kısýa daıyndaýshylar jylyna eki kısýa tigip daıyndap shyǵady.
