MEKKEDE QAJYLYQ MISSIIaSYNYŃ ALǴAShQY JINALYSY ÓTTI (FOTO)
Qazaqstan qajylyq mıssııasy ókilderi Saýd Arabııasynyń Mekke qalasynda alǵashqy basqosýyn ótkizdi.
Jıynǵa Qazaqstan qajylyq mıssııasynyń tóraǵa orynbasary, naıb múftı Ershat qajy Ońǵar, Bas múftıdiń keńesshisi Bıjigit Nurjigituly, QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov, Qajylyq bóliminiń meńgerýshisi Jándillá Bekjigitov jáne basqa da mıssııa músheleri qatysty.
Mekkedegi alǵashqy otyrys barysynda mıssııa tóraǵa orynbasary arnaıy jumys josparyn bekitip, mıssııa múshelerine tıisti tapsyrmalar berdi.
«Qajylarymyz qulshylyǵyn durys oryndaýy úshin olarǵa laıyqty qyzmet kórsetýimiz qajet. Ár iste baısaldylyqpen, sabyrlyqpen, yqylaspen áreket etýimiz kerek. Ár adam óz baǵytyna qatysty jumystardy júzege asyrýda belsendi bolýy lázim» dedi Ershat qajy Ońǵar. Sondaı-aq jıynda uıymdastyrý, aqparat taratý, ýaǵyz aıtý, dárigerlik kómek, qajylyqqa qatysty suraqtarǵa jaýap berý t.b baǵyttar boıynsha atqarylyp jatqan jumystar jaıly baıandaldy.
Bas múftıdiń keńesshisi Bıjigit Nurjigituly 18 týrıstik fırmaǵa bólinip berilgen QMDB ımamdarynyń ýaǵyz-nasıhat jumystaryn jetildirip, jat aǵymdy nasıhattaýǵa jol bermeý kerektigin atap ótse, Qajylyq bóliminiń meńgerýshisi Jándillá Bekjigitov osy ýaqytqa deıin qajylardyń basym bóligi kelgenin, 23 maýsymda otandastarymyzdyń sońǵy legi Jıdda qalasyna jetetinin atap ótti.
Aıta keteıik, Qazaqstan qajylyq mıssııasy jumysyn 5 baǵyt (uıymdastyrý, ýaǵyz-nasıhat, alǵashqy dárigerlik kómek, pátýa berý jáne aqparat) boıynsha júrgizedi. Mıssııa músheleri qajylyq kompanııalarynyń qyzmeti, jerlesterimizdiń jaı-kúıi men densaýlyǵy, ýaǵyz-nasıhat jumystarynyń júrgizilýi jáne eń bastysy otandastarymyzdyń qajylyq paryzyn durys oryndaýyn qadaǵalaıdy.
