MEMLEKET BASShYSY HALYQARALYQ KONFERENTsIIaǴA QUTTYQTAÝ JOLDADY (FOTO)
Qazaqstan Respýblıkasynyń Prezıdenti Qasym-Jomart Toqaev búgin Túrkistan qalasynda ótip jatqan «Múftıler alqasy» men «Islam órkenıetiniń damýyna túrki halyqtarynyń qosqan úlesi» halyqaralyq ǵylymı-tájirıbelik konferentsııaǵa quttyqtaý hatyn joldady. Memleket basshysynyń quttyqtaý hatyn Aqparat jáne qoǵamdyq damý mınıstri Asqar Omarov oqyp berdi.
«Baýyrlas Ázirbaıjan, Qyrǵyzstan, Ózbekstan jáne Túrkııa elderiniń Bas múftılerine jáne qurmetti qonaqtarǵa zor rızashylyǵymdy bildiremin.
Ata dinimiz Islam meıirimdilik, ımandylyq, qanaǵatshyldyq sııaqty asyl qasıetterdi dáripteıdi. Sondaı-aq, beıbitshilikti, turaqtylyq pen bereke-birlikti nyǵaıtýǵa shaqyrady. Osy oraıda alqaly jıynǵa qatysyp otyrǵan din qaıratkerleri jahan jurtyn izgilik jolyna jumyldyrýǵa súbeli úles qosady dep senemin.
Búgingi basqosý túbi bir, tarıhy ortaq elderimizdiń rýhanı-aǵartýshylyq baǵyttaǵy jumystaryna tyń serpin berip, ıgi bastamalarymyzdyń baıandy bolýyna yqpal etetini sózsiz.
Barshańyzǵa zor densaýlyq, konferentsııa jumysyna tolaıym tabys tileımin!» delingen Prezıdenttiń quttyqtaý hatynda.
