Memleket basshysy Ramazan aıynyń bastalýymen quttyqtady
QR Prezıdenti Qasym-Jomart Toqaev el turǵyndaryn Ramazan aıynyń bastalýymen quttyqtady, dep habarlaıdy Aqordanyń baspasóz qyzmeti.
«Qymbatty otandastar! Barshańyzdy kúlli musylman qaýymy úshin qasıetti Ramazan aıynyń bastalýymen shyn júrekten quttyqtaımyn. Bul - sheksiz izgilikke, adamgershilikke, rýhanı tazarýǵa jáne kemeldenýge bastaıtyn mezgil.
Islamnyń jasampazdyq áleýeti qoǵamymyzdaǵy jáne álemdegi dástúrli qundylyqtar men gýmanızm negizderin nyǵaıtýǵa yqpal etedi. Ramazan aıynda oraza ustaý meıirimdilikke, keshirimdi bolýǵa, tatýlyqqa jáne qaıyrymdylyqqa úndeıdi. Elbasynyń dana saıasatynyń arqasynda Qazaqstanda birlik, ózara túsinistik, Etnosaralyq jáne dinaralyq kelisim rýhy saqtalyp otyr.
Qasıetti Ramazan aıy bárińizge jaqsylyq, baq-bereke ákelsin!»,-delingen Memleket basshysynyń quttyqtaýynda.
