MERKI AÝDANYNDA MEShIT AShYLDY

Jambyl oblysy Merki aýdanyna qarasty Internatsıonal aýylynyń turǵyndary kópten kútken qýanyshqa kenelip, «Dostyq» meshitiniń ashylý rásimi ótti. 

Saltanatty jıynǵa oblys bas ımamy Beıbit Álipbekuly, aýyl ákimi Jorabek Nurmergenuly, Merki aýdanynyń bas ımamy Azamat Berikuly, sondaı-aq aýyl aqsaqaldary men turǵyndary qatysty. Aldymen oblys bas ımamy Quran aıattaryn oqyp, el amandyǵy men tynyshtyǵy úshin duǵa jasady. Budan keıin Beıbit Álipbekuly Internatsıonal aýylynyń turǵyndaryn meshit ashylýymen quttyqtap, jınalǵan jamaǵatqa jaqsylyq tiledi. Sondaı-aq meshitke arnaıy syılyǵyn tabystap, qurylystyń basy-qasynda júrgen aǵalarymyzǵa alǵysyn bildirdi. Sosyn meshitke jańadan taǵaıyndalǵan ımamdy tanystyryp, qyzmetine abyroı-bedel tiledi.

Ashylý saltanatynan keıin jınalǵan qaýymǵa arnalǵan qazaq úıler tigilip, dastarqan jaıylyp, as berildi. Dastarqan basynda Quran oqylyp, bas ımam Beıbit Álipbekuly meshit salýdyń, oǵan qaraılasyp júrýdiń saýaby jóninde ýaǵyz aıtty. Sońynan el aqsaqaldary sóz sóılep, meshit ashylýymen quttyqtady. 

Dastarqannan dám tatqan soń artynsha alǵashqy azan shaqyrylyp, besin namazy jamaǵatpen oqylyp, eldiń, jerdiń amandyǵy úshin duǵa jasaldy. Internatsıonal aýylynda ashylǵan bul meshitte bir mezette 100-150 adamdaı qulshylyǵyn óteı alady. Osyndaı ıgi iske qol ushyn sozyp jatqan jomart jandarǵa izgi nıetimizben alǵysymyzdy bildiremiz. 

​Derekkóz: asyldin.kz