Meshit shákirtterine «Baqytty januıa qurýdyń joldary» aıtyldy (FOTO)

Qalyptasqan úrdis boıynsha keshegi jeksenbi respýblıkalyq «Áziret Sultan» meshitiniń shákirtteri úshin taǵylymǵa toly ótti. Ár jeksenbi aqsham namazynan soń bastalatyn bul basqosý saıyn olar bir-birimen etene tanysyp, ustaz ýaǵyzyn birge tyńdap, jamaǵat bolyp jarasa bastaıdy. Ýaǵyz sońynan uzynnan-uzyn sozylǵan dastarhan basyndaǵy ǵıbratty otyrys ta odan ári jaqyndatyp, shákirtter bilimimen qosa birligin de bekemdeı túsedi.

Bul jolǵy ýaǵyz aıasynda shákirtterge «Áziret Sultan» meshitiniń naıb ımamy Baqytjan Ótkelbaev «Baqytty januıa qurýdyń joldary» taqyrybynda ýaǵyz júrgizip, aqyl-keńesimen bólisti. Paıǵambar (s.ǵ.s.) súnnetine súıene otyryp, januıadaǵy jarasymdylyqty arttyryp, jubaılyq ómirdiń jaqsylyǵyna jeteleıtin joldar aıtyldy. Basqosý sońy ádettegideı shákirtterdiń saýalyna kezek berilip, árkim ózine qajetti aqparatty anyqtap aldy.  Ýaǵyzdyń vıdeo nusqasy aldaǵy ýaqytta saıtymyzda jarııalanatyn bolady.

Sýretterdi «FOTOGALEREIa» aıdarynan kóre alasyzdar!