MEShIT TAZALYQShYLARYNA DASTARHAN JAIYLDY (FOTO)

QMDB Tóraǵasy, Bas múftı Naýryzbaı qajy Taǵanulynyń bastamasymen elordadaǵy Respýblıkalyq bas meshittiń uıymdastyrýymen Astana qalasyndaǵy 15 meshittiń 70 tazalyqshysyna arnaıy qaıyrymdylyq dastarqany jaıyldy.

«Áziret Sultan» meshitinde uıymdastyrylǵan ıgi sharada qonaqtarǵa meshitke qyzmet kórsetýdiń saýaby, sondaı-aq otbasyndaǵy bala tárbıesi jóninde ýaǵyz-nasıhattar aıtyldy. Sońynan shara qonaqtaryna arnaıy syı-sııapattar jasaldy. 

«Meshit – bereke men yntymaq orny. Kelýshi qonaqtarmen qosa, ıisi musylmannyń qoly qalt etse, jany rýhanı tynyshtyq izdep, Rabbysymen ońashalanýǵa jaıly jer. Al qaı jerde kópshilik bolsa, álbette ol jerde birinshi kezekte qaýipsizdik, tazalyq saqtalýy tıis. Meshitke kelýshilerge jaılylyq pen qolaıly aýra týdyryp júrgen eńbek adamdarynyń biri – tazalyqshylar. Asyl dinimizde tazalyqqa erekshe mán beriledi desek, ony qamtamasyz etip júrgen jandardyń da oryndary joǵary bolmaq» deıdi ımamdar.

​

Источник: Aidos