Meshit tóbesin qardan tazartý jumystary bastaldy (FOTO)

Aqyrǵan aıazdyń beti qaıtyp, kóktem lebi biline bastaǵan shaqta Astana qalasyndaǵy respýblıkalyq «Áziret Sultan» meshitindegi senbilik jumystary da jandana bastaıdy. Atap aıtqanda, aýmaǵy atshaptyrym alyp meshittiń tóbesin qardan tazartý jumystary uıymdastyrylyp, qulshylyq ordasynyń qyzmetkerleri men jamaǵaty saýapty iske belsene kirisedi.

Qys boıy úıilgen qasat qardyń kún jylynysymen-aq kól-kósir sýǵa aınalyp, elimizdiń Bas meshitiniń sáýletine nuqsan keltiretini sózsiz. Osy sebepti de qolyna kúrek ustap, senbilikke qatysýǵa meshit jamaǵaty da tym belsendi. Bir úıdiń balasyndaı birige qımyldap, ózderiniń súıikti meshitterine úlesterin qosyp jatqanyna dán rıza ekendikteri júzderinen baıqalyp turǵandaı.

Búgingi demalys kúni de osy shara óz jalǵasyn taýyp, meshit tóbesin qardan tazartý jumystary bastalyp ketti. Meshit ımamdary bas bolyp, jamaǵat qyzý qoldaý tanytqan senbilik jumysy aldaǵy aptalardyń demalys kúnderi taǵy da ótkiziletin bolmaq. Atsalysam degen jandar úshin eki qolǵa bir kúrek qashanda tabylady.

Sýretterdi «FOTOGALEREIa» aıdarynan kóre alasyzdar!