MEShIT JAMAǴATY PAIǴAMBARYMYZDYŃ ATYNAN NÁPIL QURBANDYQ ShALDY (FOTO)

Astana qalasyndaǵy «AQ MESHIT» meshitiniń uıymdastyrýymen ardaqty Muhammed (s.ǵ.s.) paıǵambarymyzdyń atynan eki iri qara mal qurbandyqqa shalyndy. Meshit jamaǵatynyń qoldaýymen júzege asqan qaıyrymdylyq sharasynyń sharapaty turmysy tómen 51 otbasyǵa tıip, qurbandyq eti úlestirildi. Sondaı-aq, etpen birge jemis-jıdek sebetteri qosa taratyldy. Qaıyrymdylyq sharasyna jalpy somasy 1 200 000 teńge jınalyp, tolyǵymen muqtaj otbasylarǵa qýanysh syılaýǵa jumsalǵan.

Shara barysynda «AQ MESHIT» meshitiniń bas ımamy Dáýren Múslımov Paıǵambar (s.ǵ.s.) súıispenshiliginiń musylmandar úshin mańyzyna toqtalyp, bir-birine qaraılasý ári súnnet, ári dinimizdiń basty qundylyǵy ekenine nazar aýdartty.