MEShIT JAMAǴATYNA JAT AǴYMNAN SAQTANDYRÝ BOIYNShA SEMINAR ÓTTI (FOTO)
«Aq meshit» meshitinde ótken jat aǵymnan saqtandyrý baǵyty boıynsha semınar jamaǵat arasynda jalǵasyn tapty. Quptan namazynyń aldynda dastarhan basynda jamaǵatpen ótkizilgen kezdesýde Islam dinindegi adasqan aǵymdar jaıly keńinen ýaǵyz-nasıhat aıtyldy.
Jıynda QMDB Dinı ońaltý bóliminiń mamany Islam Maratuly men Astana qalasy ókildigi boıynsha Dinı ońaltý baǵytyna jaýapty maman Raqymqazy Qabdysalym lektsııa oqydy.
Dástúrli Ábý Hanıfa mázhabynyń ustanymdary men teris baǵyttaǵy aǵymdardyń belgileri, olardyń qoǵamǵa jáne jeke tulǵaǵa tıgizetin zııany naqty mysaldarmen túsindirildi. Sondaı-aq, jastardyń jat aǵym yqpalyna túspeýi úshin dinı bilimdi durys qaınar kózderden alý qajettigi aıtyldy.
Kezdesý barysynda jamaǵat tarapynan qoıylǵan suraqtarǵa jaýap berilip, teris aǵymnan saqtanýdyń joldary baıandaldy. Jamaǵat ókilderi taqyrypqa qyzyǵýshylyq tanytyp, rızashylyqtaryn bildirdi.
