Meshit jastary Qarttar úıinde qaıyrymdylyq sharasyn uıymdastyrdy (FOTO)

11 jeltoqsan 2018 7804 0
Оqý rejımi

Respýblıkalyq «Áziret Sultan» meshitiniń «Inabat» qyzdar klýbynyń uıymdastyrýymen keshe Astana qalasyndaǵy qarttar úıinde qaıyrymdylyq sharasy ótkizildi. Taǵdyrdyń talqysyna túsken ata-ájelerine meıirimdilik tanytyp, qamqorlyq kórsetýge talpynǵan meshit shákirtteri men jamaǵatynan quralǵan top arnaıy dastarhan jaıyp, syılyqtar úlestirip qaıtty.

Qasıetti Quran aıattarynyń oqylýymen bastalǵan shara aıasynda «Áziret Sultan» meshitiniń ustazy Farhat Isauly qarııalar qaýymyna ýaǵyz aıtyp, jamaǵatpen birge duǵa da jasady. Órimdeı jastardyń ózderi úshin quraq ushyp, jandary qalmaı jantalasyp qurmet kórsetip júrgenderine ortalyqtaǵy qarııalar da rızashylyqtaryn aıtyp, alǵystaryn jaýdyryp jatty. Ashylǵaly beri Astana qalasyndaǵy qulshylyq ordalarynyń járdemi men qamqorlyǵyna kýá bolyp kele jatqan Qarttar úıiniń qyzmetkerleri de óz taraptarynan alǵystaryn jetkizdi.

Shara sońynda qaıyrymdylyq dastarhanyna kele almaǵan syrqat qarııalardy meshit jastary arnaıy zııarat etip, bólmelerine bas suǵyp shyqty. Izgi tilekterin arnap, arnaıy ákelgen syılyqaryn tartý etti.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý