Metro stansasyna musylmannyń esimi berildi (FOTO)

Ótken jyldyń qarasha aıynda Germanııanyń Frankfýrt qalasyndaǵy metrolardyń birinde qaıǵyly oqıǵa oryn alǵan bolatyn. 17 jastaǵy Mustafa Alptýg Sezen esimdi musylman bozbala metro relsine qulap túsken adamdy qutqaryp qalǵan bolatyn. Alaıda, ózgeni ajaldan arashalap qalǵan bozbalanyń ózi poıyzdyń astyna túsip, oqıǵa ornynda kóz jumǵan edi.

Osy oqıǵadan soń  Frankfýrt ákimdigi men Deutsche Bahn temirjol kompanııasynyń basshylyǵy metro stansalarynyń birine erlikpen qaza tapqan Alptýg Sezenniń esimin berýge sheshim qabyldaǵan bolatyn. Stansa atyn ózgertý týraly petıtsııany 56 000 jan qoldap, tipti Frankfýrt mEri Peter Feldmannyń ózi daýys bergen.

Qaladaǵy basty metro stansa endi «Alptýg Sezen/Ostendshtrasse» dep atalatyn bolmaq. Stansanyń ashylý saltanatyna qala turǵyndary jappaı qatysyp, marqumnyń rýhyna qurmet kórsetti.