Mınıstr bas ımamdarmen kezdesti (FOTO)
Búgin Aqparat jáne qoǵamdyq damý mınıstri Asqar Omarov Qazaqstan musylmandary dinı basqarmasynda bolyp, ortalyq ǵımarattyń tynys-tirshiligimen tanysty.
Dinı qyzmetkerlermen kezdesýde Asqar Qýanyshuly aqparat taratýdyń túrli arnalaryn paıdalaný jáne dinı aǵartý baǵytyndaǵy jumystardy jahandyq trendterge sáıkes jańa deńgeıge kóterýdiń mańyzdylyǵy týraly pikir almasty. Sonymen qatar, destrýktıvti dinı aǵymnyń jeteginde júrgen azamattarǵa túsindirý is-sharalaryn kúsheıtý týraly áńgimelesti.
Kezdesý barysynda Bas múftı Naýryzbaı qajy Taǵanuly Dinı basqarma aǵartý salasyn jańǵyrtýǵa kóńil bólip kele jatqanyn jetkizip, osy jyly jeti baǵyt boıynsha atqarylatyn jumystardyń josparymen tanystyrdy.
Basqosýda bas ımamdar mınıstrge kókeıde júrgen saýaldaryn qoıyp, jan-jaqty pikir almasty.
