MINISTR ǴULAMALAR KEŃESINIŃ KEZEKTI MÁJILISINE QATYSTY (FOTO)

Búgin Aqparat jáne qoǵamdyq damý mınıstri Darhan Qydyráli Túrkistan qalasynda ótip jatqan Qazaqstan musylmandary dinı basqarmasy janyndaǵy Ǵulamalar keńesiniń HHXV májilisine qatysty.

Basqosýda Bas múftı Naýryzbaı qajy Taǵanuly Darhan Qýandyqulyna Ǵulamalar keńesiniń jumysy jaıly baıandady. Mınıstr búgingi tańda múftııat qoǵamda bedeldi, yqpaldy, irgeli qurylymǵa aınalǵanyn atap ótti. Sonymen qatar Dinı basqarma halyqty birlik pen ıgilikke úndeýde úlken is-sharalar atqaryp kele jatqanyn tilge tıek etti. Darhan Qydyráli óz sózinde jastardy destrýktıvti dinı aǵymdardyń yqpalynan saqtandyrý, bilimdi, tájirıbeli dinı mamandardy daıarlaý, medrese-kolledjderdiń oqý baǵdarlamasyn, tehnıkalyq bazasyn jetildirý, shákirtterge sheshendik ónerdi, din psıhologııasyn úıretý, aqparattyq baǵyttaǵy jumystardy jandandyrý t.b. máselelerge nazar aýdardy.

Aıta ketsek, Ǵulamalar keńesiniń kezekti májilisinde «Zeınetaqy qory jınaǵynan zeket berý úkimi», «Máıittiń denesin tilýdiń úkimi», «Sıýtsaıdyń sharıǵı úkimi», «Dárigerdiń nusqaýynsyz tramadoldy qoldanýdyń úkimi», «Qan donorlyǵynyń úkimi» t.b. pátýalardyń mátini talqylanýda.

Basqosýda budan bólek «Ulttyq qundylyqtardy nasıhattaýdaǵy QMDB róli», «Babalar izimen: Qazaqstandaǵy musylmandyq mektep», «Islam Entsıklopedııasy» eńbekteri men qujattardyń mazmuny qaralýda.

Источник: Aidos