MÚFTIIaT AÝLASYNA 440 ARShA AǴAShY OTYRǴYZYLDY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń bastamasymen múftııat ǵımaratynyń aýlasyna 440 arsha aǵashy otyrǵyzyldy.
Igi is-sharaǵa Bas múftı bastaǵan Dinı basqarmanyń barsha qyzmetkeri atsalysty.
«Biz, din qyzmetkerleri jamaǵatqa tazalyq, tártip, mádenıet jaıly ýaǵyz aıtyp qana qoımaı, ózimiz de sony ustanýǵa tıispiz. Babalarymyz «Bir tal kesseń, on tal ek», «Atadan mal qalǵansha, tal qalsyn» dep tekke aıtpaǵan. Jaqsylap baptasań, júz jyldap, birneshe ǵasyrǵa deıin jaıqalyp tura beretin alyp aǵashtyń paıdasy ushan-teńiz.
Biz de shamamyz kelgenshe qalamyzdyń kórkine kórik qossyn ári tabıǵatymyzǵa paıdaly bolsyn dep 440 arsha kóshetin jumys ornymyzdyń aýlasyna otyrǵyzdyq. Alla Taǵala Dinı basqarmanyń ár qyzmetkeri óz qolymen otyrǵyzǵan osy kóshetterdiń alyp aǵashqa, jaıqalǵan baýǵa aınalýyn násip etkeı», – dedi Naýryzbaı qajy Taǵanuly.
Eske sala keteıik, Dinı basqarma árdaıym qoǵamdy tazalyqqa, aınalamyzdy taza ustaýǵa, tabıǵatty qorǵaýǵa, kóptep kóshet otyrǵyzýǵa úndep keledi.
