«MUFTIYAT» BASPASYNAN BIRNEShE KITAP JARYQ KÓRDI (FOTO)
Qazaqstan musylmandary dinı basqarmasynyń 2023 jyldy qorytyndylaýǵa arnalǵan Tóralqa májilisinde tórt kitap pen bir jýrnaldyń tusaýkeser rásimi ótti.
Sııasy keppegen eńbekterdiń tusaýkeser rásiminde Bas múftı Naýryzbaı qajy Taǵanuly: «Osyǵan deıin «MUFTIYAT» baspasy 144 myńnan astam danamen halqymyzǵa qajetti eńbekterdi oqyrmanǵa jetkizip úlgerdi. Osy rette baspanyń shyǵarmashylyq ujymyna, avtorlaryna aıryqsha alǵys bildiremin. Alla razy bolsyn!» dedi.
Dinı basqarmanyń tól baspasynan QMDB Tóraǵasy Naýryzbaı qajy Taǵanulynyń «Din – izgilik bastaýy» kitaby men Nur-Múbarak ýnıversıtetiniń baspasynan «Islam daǵýatynyń negizderi men ádisteri» kitaby jaryq kórdi. Sondaı-aq «Juma ýaǵyzy» ýaǵyz-nasıhattar jınaǵy, «Erekshe esimder» kórkem esimder toptastyrylǵan anyqtama sózdigi, sondaı-aq «Islam jáne izgi qoǵam» jylyna oraı osy ataýmen arnaıy jýrnal kópshilikke jol tartty. Jańa týyndylardy «MUFTIYAT» baspasynyń dırektory Murat Manapuly tanystyryp, kitaptar jóninde tolyǵyraq aqparat berdi.
