MÚFTIIaT MEKKEDE HALYQARALYQ KONFERENTsIIa ÓTKIZDI (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń bastamasymen Mekke qalasynda qajylyq taqyrybyna arnalǵan halyqaralyq konferentsııa ótti.
Konferentsııaǵa Qazaqstannyń Saýd Arabııasy Koroldigindegi Tótenshe jáne Ókiletti Elshisi Berik Aryn, QMDB Tóraǵasy Naýryzbaı qajy Taǵanuly, Túrkııa Din isteri basqarmasynyń tóraǵasy, professor Álı Erbash, Ózbekstan musylmandary basqarmasy tóraǵasynyń orynbasary Jalaloddın Hamrokýlov, Qyrǵyzstan musylmandary dinı basqarmasy tóraǵasynyń orynbasary Samýddın Atabaev, Saýd Arabııa Koroldigi Qajylyq jáne umra mınıstrliginiń resmı ókilderi, qajylyq kompanııalarynyń jetekshileri, ýaǵyz-nasıhat jumystaryna jaýapty ımamdar men 250 otandasymyz qatysty.
Igi basqosý qasıetti Quran aıatymen ashylyp, Bas múftı duǵa jasady. Konferentsııada arnaıy baıandama jasaǵan QMDB Tóraǵasy Naýryzbaı qajy Taǵanuly: «Rasynda Alla Taǵala jer betindegi musylman qaýymyn jylyna bir márte qasıetti Mekke men Mádına qalasyna jıyp, baýyrmaldyq baılanysymyzdy arttyrady. Biz qajylyq saparynda Rabbymyzdyń Quranda atap ótken: «Rasynda musylmandar bir-birine baýyr» degen ósıetin tereń sezine túsemiz. Musylmandardyń tili men túri ártúrli bolǵanmen, tilegi bir. Olar bir-birimen júrek, ortaq nıet arqyly tildesedi. Búgingi basqosýymyz osynyń aıqyn dáleli» dedi.
Konferentsııaǵa qatysqan musylman memleketteriniń din qaıratkerleri qajylyq jaıly baıandama jasap, oı-pikirlerin ortaǵa saldy. Sonymen qatar ıgi basqosýǵa uıytqy bolǵan Bas múftı Naýryzbaı qajy Taǵanulyna jáne Qazaqstan musylmandary dinı basqarmasy ujymyna alǵystaryn jetkizdi.
