«MUNARA TV» TELEARNASYNYŃ ORTALYQ STÝDIIaSY AShYLDY (FOTO)

Búgin elordadaǵy Respýblıkalyq bas meshitte QMDB-ǵa qarasty «Munara TV» telearnasynyń ortalyq stýdııasy ashyldy. Stýdııanyń ashylý rásimine QMDB Tóraǵasy, Bas múftı Naýryzbaı qajy Taǵanuly jáne Aqsaqaldar keńesiniń músheleri qatysyp, jańa stýdııanyń jumysyna sáttilik tiledi.

Stýdııa jumysyn telearna basshysy Erkin Shákiruly tanystyrdy. Stýdııa úsh bólikten turady. Birinshisi hromakeımen jabdyqtalǵan. Munda kez-kelgen baǵyttaǵy suhbat, dárister túsirýge bolady. Stýdııanyń negizgi bóligi jańalyqtar men erkin formattaǵy suhbatqa arnalǵan. Sondaı-aq apparattyq stýdııalyq keshen telearnaǵa qajetti sońǵy zamanaýı tehnıkamen tolyq jabdyqtalǵan. Atalǵan keshenniń kómegimen juma namazyn, aıt namazdaryn, Qadir túninde ótetin dinı rásimderdi tolyq tikeleı Efırde kórsetýge múmkindik bar. Bul rette meshit baǵanalaryna ornatylǵan 4K formatynda túsiretin 7 kameranyń kómegimen qajetti televızııalyq kadrdy qamtı alady.

Stýdııa zamanaýı dybys jazý qurylǵylarymen de qamtylǵan. Odan bólek túsirilgen ónimderdi jınaqtaıtyn server, montaj bólmesi, podkast túsirýge arnalǵan dybystyq qurylǵylar bar.

Aıta keteıik, aqparat keńistiginde Qazaqstan musylmandary dinı basqarmasynyń tól telearnasy 2020 jyldan beri habar taratyp keledi. Alǵash Efırge shyqqan sátte «OTAU TV» ulttyq jerseriktik televızııa jelisine tirkelse, qazirgi tańda tsıfrlyq telehabar taratý jelisi arqyly respýblıkany qamtyp otyr. Qazirgi tańda «Munara TV» telearnasynyń 9 oblysta tilshiler qosyny bar.

​