Naıb múftı BUU Balalar qorynyń ókilimen kezdesti (FOTO)
Búgin elordada QMDB Tóraǵasynyń orynbasary, naıb múftı Ershat qajy Ońǵar BUU Balalar qorynyń (IýNISEF) ókili Artýr van Dızenmen kezdesti.
Basqosýda naıb múftı Balalar qorynyń ókiline elimizdegi dinı salada atqarylyp jatqan is-sharalar, sonyń ishinde balalar quqyn qorǵaý, QMDB-ǵa qarasty medrese-kolledjder men qarılar daıyndaý ortalyqtarynda bilim alyp jatqan shákirtter jaıly aıtyp berdi. Sondaı-aq Islam dinindegi balanyń róli, balalarǵa jasalyp jatqan qamqorlyqtar men múmkindikter, búldirshinderdiń qatysýymen ótip jatqan izgi is-sharalarǵa tereńirek toqtaldy.
Óz kezeginde ókil Artýr van Dızen álemdegi balalar quqyǵy men bostandyǵy jaıly habardar etip, osy baǵytta Qazaqstanda da birqatar ıgi jumystar atqarylyp jatqanyn tilge tıek etti.
Kezdesý sońynda taraptar balalar quqyn qorǵaý baǵytyndaǵy ózara yntymaqtastyqty arttyrýdyń mańyzy jaıly aıtyp, birlesken jumystar atqarýǵa ýaǵdalasty.
Aıta keteıik, Birikken ulttar uıymynyń Balalar qory Qazaqstanda 1994 jyldan bastap jumys isteıdi. Búginde qordyń álemniń 190 elinde ókildigi bar. Qor osy elderdegi balalardyń quqyqtary men densaýlyǵyn qorǵaıdy.
