NAIB MÚFTI ELORDA IMAMDARYNA SEMINAR ÓTKIZDI (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen ótken ımamdardyń bilimin jetildirý semınarynda QMDB Tóraǵasynyń orynbasary, naıb múftı Kenjetaı Baıkemeluly «Imam jáne zaıyrlylyq qoǵam qaǵıdattary» taqyrybynda elordanyń din qyzmetkerlerine dáris ótkizdi.
Semınar barysynda naıb múftı ımamdardyń qoǵamdaǵy rólin, zaıyrlylyq qaǵıdattaryn durys túsinip, ony halyqqa jetkizýdegi jaýapkershilikti atap ótti. Sondaı-aq Kenjetaı Baıkemeluly otbasy tárbıesi, qoǵam birligi men rýhanı qaýipsizdik baǵytynda belsendi bolý kerektigin aıtty.
Semınardyń jalpy maqsaty – elordalyq ımamdardyń dinı jáne rýhanı bilimin jetildirýmen qatar, zaıyrly qoǵamda halyqpen durys qarym-qatynas ornatyp, zamanaýı talaptarǵa saı qyzmet atqarýyna qoldaý kórsetý boldy. Sondaı-aq bul basqosý din qyzmetkerleriniń kásibı áleýetin arttyrýǵa, qoǵamdaǵy ózekti máselelerge ıslamdyq turǵydan jaýap berýge jáne el birligi men rýhanı turaqtylyqty nyǵaıtýǵa baǵyttaldy.
