Naıb múftı ımamdarǵa semınar ótkizdi (FOTO)
Shymkent ortalyq meshitinde «Ihsan ilimi: Sharıǵat jáne pátýa berý taǵylymy» atty aımaqtyq dinı semınary uıymdastyryldy.
Atalmysh semınarǵa QMDB Tóraǵasynyń orynbasary, naıb múftı Sansyzbaı Shoqanov arnaıy qatysyp, ımamdarǵa dáris oqydy. Sharıǵat jáne pátýa berý salanyń qyr-syryna toqtalǵan Sansyzbaı Qurbanuly dáris barysynda Quran, hadıs, ıjma, qııas salasy, pátýanyń anyqtamasy men pátýa berýdiń ádebi týraly qyzyqty maǵlumattaryn bólisti. Sondaı-aq, otbasy jáne ajyrasý, talaq t.b. ózekti taqyryptardy qozǵap, qatysýshylar tarapynan qoıylǵan suraqtarǵa jaýap berdi.
Sondaı-aq semınarǵa Shymkent qalasynyń bas ımamy Baqdáýlet Abdrahmanov, «Shymkent» medrese-kolledjiniń dırektory Talǵat Ásembaı, shahar ımamdary men din qyzmetkerleri qatysty. Semınar qorytyndysynda S.Qurbanulynyń «Pátýa ádebi» kitaby jáne QMDB Ǵulamalar keńesiniń uıytqy bolýymen jaryq kórgen «Pátýalar jınaǵy -3» kitaptary úlestirildi.
