Naıb múftı meshit qurylysymen tanysty (FOTO)

Resmı sapar aıasynda QMDB-nyń tóraǵa orynbasary, naıb múftı Baýyrjan qajy Ábdirashuly Shymkent qalasyna qarasty meshitterdiń dinı ahýaly men qatar tynys-tirshiligimen tanysty.

Sonyń ishinde, jýyrda ǵana paıdalanýǵa berilgen Qarataý aýdanyna qarasty «Ańlamas ata» meshiti men Eńbekshi aýdany «Abdýlhamıd Ál Mýhsım» meshitinde bolyp, árbir atqarylǵan jumysyna aıryqsha mán berdi.

Osydan keıin, Qarataý aýdany, Dostyq shaǵyn aýdanynda jańadan 1500 jamaǵatqa arnalyp salynyp jatqan  meshittiń qurylysymen tanysty.

«Meshit  jer betindegi eń qasıetti oryn bolyp sanalady. Sondyqtan meshittiń tazalyǵy men mádenıetine asa mán berý qajet. Ol úshin meshit qyzmetkerine artylar júk pen jaýapkershilik joǵary ekendigin seziný tıis» - dedi naıb múftı B.Esmahan.

Sondaı-aq, naıb múftı B.Ábdirashuly qalanyń ókil ımamy B.Beısenbaev pen onyń naıb ımamdaryna birqatar naqty tapsyrmalar berdi. Atap aıtqanda, árbir meshit tolyq qujattanýy, meshit aýmaǵyn jasyl jelekke aınaldyrý, meshit dárethanalaryn ystyq sýmen qamtamasyz etilý jáne aldaǵy ýaqyttarda meshit salý kezinde sáýleti men sapasyna, syıymdylyǵyna aıryqsha mán berý t.b.

Osy tusta aıta ketý kerek, Shymkent qalasy boıynsha 105 meshit QMDB fılıaly bolyp tirkelgen. Búginde, qala aýmaǵynda jańadan 8000 myń oryndy bir meshit, 1500 oryndy 10 meshittiń qurylysy júrgizilýde.