NAIB MÚFTI QOSTANAIDA KONFERENTsIIaǴA QATYSTY (FOTO)
Alash ardaqtysy, ult ustazy Ahmet Baıtursynulynyń 150 jyldyǵyna oraı QMDB Qostanaı oblystyq ókildiginiń uıymdastyrýymen «Ahmet Baıtursynuly jáne qazaq rýhanııaty» taqyrybynda konferentsııa ótti.
Birtýar tulǵanyń esimimen atalatyn ýnıversıtette ótken shara qasıetti Quran Kárim aıattaryn oqýmen bastaldy. Alǵashqy bolyp baıandamany QMDB Tóraǵasynyń orynbasary, naıb múftı Sansyzbaı Shoqanov jasady. Onyń tyń derekterden turatyn nasıhatyn jınalǵandar uıyp tyńdap, ult úshin búkil sanaly ǵumyryn arnaǵan tulǵa jaıly tushymdy maǵlumat aldy.
Qostanaı óńirlik ýnıversıtetiniń rektory, geografııa ǵylymdarynyń doktory, professor Seıitbek Qýanyshbaev konferentsııaǵa qatysqan barsha qaýymdy aıtýly oqıǵamen shyn júrekten quttyqtap, qonaqtarǵa tabys tiledi.
Atalǵan joǵary oqý ornynyń «Rýhanı jańǵyrý» jobalyq ofısiniń jetekshisi, fılologııa ǵylymdarynyń doktory, professor Almasbek Ábsadyq Ahań jaıly udaıy izdenis ústinde júrgen azamat. Onyń «Ustaz joly, aýyl muǵaliminen – bilim mınıstrligine deıin» taqyrybyndaǵy baıandamasy da qundylyǵymen jerlesterimizdiń kóńilinen shyqty. Oblys jurtshylyǵyna tanymal Abzal Naǵashybaıulynyń termesi tereń maǵynasymen júrekterdi qozǵady. Aýzy dýaly ardager, Qostanaı oblysy aqsaqaldar alqasynyń múshesi Torǵaıbaı qajy Ýálıulynyń «Ahań ósken orta» atty baıandamasy da ult maqtanyshynyń kópshilikke belgisiz qyrlaryn jan -jaqty ashýymen daralandy.Elimizge belgili ǵalym, Qostanaı óńirlik ýnıversıtetiniń professory Qalqaman Jaqyp Alashtyń birtýar perzentiniń keıinge jastarǵa ónege bolarlyq qaıratkerlik, tulǵalyq, bilimpazdyq, ultjandylyq, qalamgerlik jaqtaryn jurtshylyqqa jetkizdi.
