Naıb múftı «Jas qarı» telesaıysynyń jeńimpazdaryn marapattady (FOTO)
«Jas qarı» Quran telesaıysynyń aqtyq kezeńi óz máresine jetip, jeńimpazdar marapattaldy. Saıys Almaty qalasynyń D.Qonaev meshitinde bolyp ótti.
«Asyl arna» telearnasynyń uıymdastyrǵan telejobasyna naıb múftı Alaý Ádilbaev arnaıy at basyn buryp, sóz sóıledi. Naıb múftı óz sózinde Allanyń haq kálamy – Quran Kárimniń qadir-qasıeti men ótip jatqan jarystyń mańyzdylyǵyna toqtalyp ótti. Sondaı-aq, jarysqa qatysýshy jas qarılarǵa sáttilik tilep, uıymdastyrýshylar men tóreshilerge jáne ata-analarǵa úlken alǵysyn bildirdi.
Sodan jeńimpazdarǵa naıb múftı Alaý Ádilbaev, Almaty qalasynyń ókil ımamy Erkinbek Shoqaı jáne «Bio Hayat» kompanııasynyń arnaıy ókili Rınat Ádiluly júldelerdi tabystady.
Aıta keteıik, «Jas qarı» Quran telesaıysyna Almaty qalalyq meshitteriniń janyndaǵy dinı saýat ashý kýrstarynyń 8-den 13 jas aralyǵyndaǵy biúldirshinderimiz qatysty. Olar Qurannyń 30-ynshy parasyn jatqa oqýdan ózara baq synady. Nátıjesinde 3-oryndy 3 bala enshilep, árqaısysyna 50 myń teńge kóleminde syıaqy berildi. 2-oryn alǵan 2 shákirtke 100 myń teńgeden, al 1 oryn alǵan jeńimpazǵa 200 myń teńge kóleminde aqshalaı syılyq tabystaldy. Qalǵan 18 shákirttiń árqaısysy velosıpedter tartý etildi.
