Naıb múftıler ýaǵyzshy ımamdarǵa dáris júrgizdi (FOTO)
Qazaqstan musylmandary dinı basqarmasynyń «Hákim Abaı» kitaphanasynda ótip jatqan Qajylyq-2022 ýaǵyzshylarynyń biliktiligin arttyrýǵa arnalǵan semınarda QMDB Tóraǵasynyń orynbasarlary, naıb múftıler dáris júrgizdi.
Bıylǵy qajylyq saparyna tańdap alynǵan 14 ýaǵyzshy ımamǵa QMDB Tóraǵasynyń orynbasary Ershat Aǵybaıuly «Qyzmetke jaýapkershilikpen qaraý» taqyrybynda dáris oqysa, naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly fıqh ádisnamasy men pátýa berýdiń ádis-tásilderin baıandap berdi.
Eske sala keteıik, arada eki jyl úzilisten keıingi qajylyq saparyna bıyl elimizden 4 myńǵa jýyq qajy barady dep kútilýde.
