NAÝAN HAZIRET TALASULYNYŃ 180 JYLDYǴYNA ARNALǴAN RESPÝBLIKALYQ KONFERENTsIIa ÓTTI (FOTO)
Búgin Kókshetaýda QMDB Aqmola oblysy ókildiginiń jáne oblystyq tarıhı-ólketaný mýzeıi janyndaǵy tarıhshylar qaýymdastyǵynyń uıymdastyrýymen «Naýan Haziret Talasulynyń rýhanı aǵartýshylyq qyzmeti jáne qaıratkerlik tulǵasy» taqyrybynda respýblıkalyq ǵylymı-tájirıbelik konferentsııa ótti.
Aıtýly jıynǵa QMDB Tóraǵasy, Bas múftı Naýryzbaı qajy Taǵanuly, Aqmola oblysy ákiminiń birinshi orynbasary Malǵajdar Tátkeev, akademık Ómirzaq Ozǵanbaev, qoǵam qaıratkeri Jabal Erǵalıev, Marat Zeınatuly syndy tarıhshy ǵalymdar qatysty. Konferentsııada arnaıy baıandama jasaǵan Bas múftı Naýryzbaı qajy Taǵanuly:
«Naýan Hazrettiń eldik murat, asyl din, urpaq tárbıesi, bilim alý jolyndaǵy eńbegi ushan-teńiz. Onyń Buharada alǵan sabaqtary týraly málimetterdi izdep qarastyrǵanymyzda, mynadaı derekterge tap boldyq. Naýan Haziret Buharada kóp ǵylym úırenip, parsy tilin bilip shyǵady. Elge qaıtar shaǵynda jan-jaqty bilimdi, kóne túrki, ózbek, parsy, arab, orys tilderin jetik meńgergen, shyǵys klassıkalyq ádebıetterdi oqyǵan, jazý-syzýdy tereń meńgergeni aıtylady.
Tarıhı tulǵanyń elge eńbek etken tusy Patsha úkimetiniń ozbyr saıasatyna tuspa-tus keldi. Qazaq jerinde ıslam dinin joıý, ózge dindi kúshtep tańý sekildi jumystar ashyq júrip jatty. Osyndaı ozbyrlyqqa shydamaǵan qaıratker bar kúshimen qarsylyq bildirdi. Shoqyndyrý saıasatyn joqqa shyǵaryp, ata dinimizdi qorǵady. Ol Islam dinine patsha úkimetiniń orystandyrý, shoqyndyrý saıasatyna qarsy tura alatyn rýhanı kúsh retinde qarady» dedi.
Konferentsııa barysynda Naýan Haziret Talasulynyń ómiri tolyqqandy aıtylyp, tyń derekter ortaǵa tústi. Shyn esimi Naýryzbaı Talasuly el arasynda Naýan Haziret degen atpen tanylǵan din janashyry, ǵalym, ustaz, qaıratkerdiń ómirlik joly, rýhanııattaǵy eńbegi, din úshin kúres jolyndaǵy qaıratkerligi jaıynda tarıhshy ǵalymdar atap aıtqanda Saıat Baımuratuly, Sábıt Jámbek, Batyrjan Berdenuly baıandama jasady.
Jıyn sońynda konferentsııanyń qarary qabyldanyp, Naýan Haziret esimin jańǵyrtýǵa baılanysty birqatar usynystar aıtyldy.
