Naýryzbaı qajy Taǵanuly ál-Azhar ýákili Muhammed ad-Dýınımen kezdesti (FOTO)
QMDB Tóraǵasy, Bas múftı Naýryzbaı qajy Taǵanuly Mysyrǵa sapary barysynda ál-Azhar ýákili Muhammed ad-Dýınımen kezdesti.
Kezdesýde Mysyrda dinı bilim alyp jatqan qazaqstandyq shákirtterdiń jaı-kúıi sóz boldy. Ýákil Qazaqstan men Mysyr arasyndaǵy dıplomatııalyq qatynastardyń ornaǵanyna 30 jyl tolýymen quttyqtady. Sondaı-aq ol ál-Azhar sheıhy Ahmet Taıyptyń sálemin jetkizip, eki elge qatysty ortaq máselelerdiń oń sheshimin tabatynyna senim bildirdi.
«Bıyl Qazaqstan men Mysyr arasyndaǵy dıplomatııalyq qatynastardyń ornaǵanyna 30 jyl toldy. Bul – úlken beles. Alaıda eki el arasyndaǵy baılanystyń tarıhy tym áride, tereńde jatyr. Altyn orda handary men Mámlúk sultandary arasyndaǵy baýyrlastyq baılanys búginde áli de jalǵasyp keledi. Mysyr men Qazaqstan arasyndaǵy yntymaqtastyq budan ary damı beredi degen senimdemin», – dedi Muhammed ad-Dýını.
Bas múftı Naýryzbaı qajy Taǵanuly qazaqstandyq shákirtterdiń Mysyrdaǵy ataqty ál-Azhar ýnıversıtetinde, Til ortalyǵynda oqyǵysy keletinin alǵa tartyp, osy baǵyttaǵy birneshe naqty usynysyn jetkizdi. Atap aıtqanda, Nur-Múbarak ýnıversıtetinde eki jyl oqyp, qalǵan eki jyldy Mysyrda jalǵaý jaıly usynys bildirdi.
Muhammed ad-Dýını bul jaıly: «Sizdiń usynysyńyzdy qyrkúıekte ótetin ál-Azhar ýnıversıtetiniń Qamqorshylar keńesiniń jıynyna usynamyz. Odan bólek Mysyrda qysqa merzimdi túrli kýrstar bar. Osy kýrstar arqyly da qazaqstandyq shákirtter qosymsha bilim ala alady», – dedi.
Sondaı-aq Bas múftı Mysyrdaǵy stýdentterdiń alańsyz bilim alýyna jaǵdaı jasaý maqsatynda jataqhana salý máselesin kóterdi. Ýákil bul oıdy qýattap, járdem beretinin jetkizdi. QMDB Tóraǵasy Mysyrdan Respýblıkalyq aqparattyq-nasıhat toby (RANT) múshelerine arnalǵan arnaıy dárister ótkizip, tájirıbe almasý máselesin de alǵa tartty. Ýákil mundaı qysqamerzimdi kýrstardyń tıimdi jáne barlyq shyǵyndy óteýge daıar ekenin jetkizdi.
Basqosý nátıjesinde taraptar ekijaqty ortaq jobalardy jan-jaqty qoldaıtynyn málimdedi. Kezdesý sońynda Bas múftı ál-Azhar ýákilin elimizde ótetin Álemdik jáne dástúrli dinder dıderleriniń sezine shaqyrdy.
