NAÝRYZBAI QAJY TAǴANULY BAS MEShITTEGI MEDIA ZALDYŃ AShYLÝYNA QATYSTY (FOTO)

Búgin Respýblıkalyq bas meshitte medıa zal ashyldy. Igi sharaǵa Qazaqsan musylmandary dinı basqarmasynyń tóraǵasy Naýryzbaı qajy Taǵanuly, múftııat janyndaǵy Aqsaqaldar keńesiniń músheleri, memleket jáne qoıǵam qaıratkerleri Ómirzaq Ozǵanbaıuly, Ádil Ahmetov, Jabal Erǵalıev, Baqytjan Ertaev, Marat Toqashbaev t.b. zııaly qaýym ókilderi qatysty.

«Ózderińiz jaqsy bilesizder, qazir medıa salasy kún sanap damýda. Biz zaman úderisinen qalmaı, óz múmkindigimiz aıasynda múftııattyń medıa salasyn damytýǵa kúsh salyp kelemiz. Bul medıa zalda jastarǵa, jas otbasylarǵa, jalpy jamaǵatqa ǵıbratty beıne rolıkter men ata dinimizdi, tarıh pen salt-dástúrimizdi dáripteıtin fılmder kórsetiledi», – dep atap ótti Naýryzbaı qajy Taǵanuly.

Bas meshittegi medıa zaldyń ashylýyna qatysqandar otbasy qundylyǵyn nasıhattaıtyn beınerolıkti tamashalady.