Naýryzbaı qajy Taǵanuly baıqaý qazylarymen suhbattasty (FOTO)
QMDB Tóraǵasy, Bas múftı Naýryzbaı qajy Taǵanuly «Munara» gazeti jarııalaǵan shyǵarmashylyq baıqaý qazylary – belgili jýrnalıst, Senat depýtaty Nurtóre Júsip, ardager jýrnalıst Janbolat Aýpbaev, Eýrazııa ulttyq ýnıversıtetiniń prorektory, QR UǴA akademıgi Dıhan Qamzabekulymen kezdesti.
Basqosýda Abaı Qunanbaıulynyń 175 jyldyǵynyń el aýmaǵynda atap ótilýi, qazaq jýrnalıstıkasynyń jaı-japsary men elimizdegi dinı jaǵdaı tóńireginde áńgime órbidi. Bas múftı óz sózinde qalamgerler qaýymynyń eren eńbegin joǵary baǵalap, el aǵalarynyń usynys-tilegin tyńdady. Sondaı-aq júzdesýde «Munara» gazeti jaıly jyly pikirler aıtyldy.
«Abaı Qunanbaıulynyń 175 jyldyǵyna oraı «Munara» gazeti jyl basynda avtorlar men oqyrmandar arasynda shyǵarmashylyq baıqaý jarııalaǵan bolatyn. Ózderińizdiń qazylyq etýlerińizben baıqaý júldegerleriniń esimderi belgili boldy. Abaı atamyzdyń shyǵarmashylyǵyn tereńnen tarazylaǵan barlyq baıqaý qatysýshylaryna alǵysym sheksiz»,– dep atap ótti Naýryzbaı qajy Taǵanuly.
Óz kezeginde qalamgerler Dinı basqarma jumysyn joǵary baǵalap, QMDB bastamalaryna qashan da qoldaý kórsetýge daıyn ekendikterin jetkizdi.
