NAÝRYZBAI QAJY TAǴANULY BAIQOŃYR JURTYMEN JÚZDESTI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qyzylorda oblysyna barǵan jumys saparynda Baıqońyr qalasynyń turǵyndarymen kezdesti.
Kezdesýge Qazaqstan Respýblıkasy Prezıdentiniń «Baıqońyr» keshenindegi arnaýly ókili Qaırat Nurtaı qatysty.
«Syr eline kelgen saparymda ózderińizben, ıaǵnı Baıqońyr jurtshylyǵymen júzdesýdi nıet etip edim. Allaǵa shúkir, kópten beri kókeıde júrgen oı-josparym oryndaldy. Qazaqstan musylmandary dinı basqarmasy Baıqońyr qalasynyń rýhanı damýyna erekshe nazar aýdaryp keledi. Osy qaladan jomart jandardyń qoldaýymen meshit salý josparda bar. Alla qalasa, sol meshittiń ashylýynda ózderińizben birge bolýdy násip etkeı» dedi Naýryzbaı qajy Taǵanuly.
Basqosýda Baıqońyr qalasynyń ardagerleri men zııaly qaýym ókilderi Bas múftıdiń qadamyn jaqsylyqqa balap, meshit turǵyzý bastamasyna aıryqsha alǵysyn bildirip, izgi tilekterin jetkizdi.
