NAÝRYZBAI QAJY TAǴANULY QAMQORShYLAR KEŃESINIŃ VIII OTYRYSYNA QATYSTY (FOTO)
Búgin elordadaǵy QMDB ǵımaratynda Nur-Múbarak ýnıversıteti janyndaǵy Qamqorshylar keńesiniń VIII otyrysy ótti.
Alqaly jıynǵa Aqparat jáne qoǵamdyq damý mınıstri Darhan Qydyráli, QMDB Tóraǵasy Naýryzbaı qajy Taǵanuly, Ǵylym jáne joǵary bilim vıtse-mınıstri Qýanysh Erǵalıev, Qazaqstannyń Mysyr Arab Respýblıkasyndaǵy elshisi Qaırat Lama Sharıf, sondaı-aq Mysyr tarapynan Ýaqyptar mınıstri Muhtar Juma, ál-Azhar ýnıversıtetiniń rektory Salama Daýd, ýnıversıtet janyndaǵy Islam zertteýler akademııasynyń bas hatshysy Nazyr Aıad, Ýaqyptar mınıstrliginiń keńse basshysy Abdýlla Hasan, Mysyr Arab Respýblıkasynyń Qazaqstandaǵy elshisi Manal Ehııa ál-Shınnaýı, Mysyrdyń Qazaqstandaǵy konsýly Ellessı Mohamed Sherıf jáne Nur-Múbarak ýnıversıtetiniń rektory Muhammad ásh-Shahhat ál-Jındı qatysty.
Basqosý Quran Kárim oqýmen bastalyp, odan ary kún tártibindegi máseleler qaraldy. Atap aıtqanda, Nur-Múbarak ýnıversıtetiniń din mamandaryn daıyndaýdaǵy qyzmeti, oqý baǵdarlamasyndaǵy ózgerister t.b. máseleler qaraldy. Jıynda sóz alǵan Bas múftı Naýryzbaı qajy Taǵanuly keńes otyrysynyń eki el arasyndaǵy rýhanı baılanys pen birlesken jumystarǵa serpin beretinine senim bildirdi.
«Qazaqstan Táýelsizdik alǵannan keıin, atap aıtqanda, 1992 jyldan bastap eki el arasynda berik dıplomatııalyq baılanys ornady. Bıyl osy baılanysqa 30 jyl toldy. Yntymaqtastyǵymyzdyń dáleli retinde Almaty qalasynda 2001 jyly Nur-Múbarak ýnıversıteti boı kóterdi. Búginge deıin atalǵan oqý ordasyn ıslamtaný, dintaný, shet tili, shetel fılologııasy, aýdarma isi t.b mamandyqtar boıynsha 2 333 túlek (bakalavr), 331 magıstrant, 66 doktorant bitirdi. Olar elimizdiń ıgiligi men Islam dininiń damýyna ózindik úlesin qosýda» dedi Naýryzbaı qajy Taǵanuly.
Májiliste taraptar Nur-Múbarak ýnıversıtetiniń rektory men prorektorynyń jumysyna joǵary baǵa berip, olardyń qyzmettik ókilettigin kelesi kezeńge deıin uzartý týraly sheshim qabyldady. Sonymen qatar jıynda kún tártibindegi máseleler tolyq talqylanyp, ýnıversıtet Jarǵysyna ózgerister men tolyqtyrýlar engizý boıynsha arnaıy jumys komıssııasyn qurý týraly uıǵarym jasaldy.
QMDB Tóraǵasy Qazaqstan musylmandary dinı basqarmasy men Ál-Azhar ýnıversıteti arasynda ortaq kelisim baryn, osy kelisim aıasynda ál-Azhar ýnıversıteti jyl saıyn Qazaqstan musylmandary dinı basqarmasyna 50 bilim grantyn bólip kele jatqanyn alǵa tartyp, Joǵary mártebeli ımam Ahmet Taıyp pen Ýaqyptar mınıstri Muhtar Juma myrzalarǵa Qazaqstan musylmandary atynan taǵy da alǵys aıtty.
