Naýryzbaı Qajy Taǵanuly qos páterdiń kiltin tabystady

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almaty qalasyna is-sapary barysynda «Zeket jáne qaıyrymdylyq» qorynyń «El úlesi – páterge» aktsııasymen qos páterdiń kiltin tabystady.

Osylaısha qasıetti Ramazan aıynda atalmysh qaıyrymdylyq jobasy aıasynda 540 jáne 541-baspana kilti ıelerine tabystaldy. Qýanyshqa bólengen jańa páter ıeleri, baspanaǵa muqtaj kópbalaly analar – Elmıra Mamyrbaeva men Gúljaýhar Maralova.

Almaty qalasy boıynsha 15, 16-baspananyń kiltin tabystaý rásiminde Bas múftı Naýryzbaı qajy Taǵanuly quttyqtaý sóz sóılep, qonys ıelerine aqjarma aq tilegin arnady.

«Jańa páterlerińizdi Alla qutty etsin, ishi janǵa, syrty malǵa tolsyn. Ósirip otyrǵan ul-qyzdaryńyz elge qaıyrly azamat bolyp jetile bersin. Qoldaý kórsetken azamattarǵa, ıgi iske uıytqy bolǵan ımamdarymyzǵa Alla razy bolsyn» dedi QMDB Tóraǵasy.

Aıta keteıik, qaıyrymdylyq sharasy Alataý jáne Túrksib aýdandary ımamdarynyń tikeleı uıytqy bolýymen júzege asyryldy.