Naýryzbaı qajy Taǵanuly RANT múshelerine onlaın jıyn ótkizdi (FOTO)
Búgin QMDB Tóraǵasy, Bas múftı Naýryzbaı qajy Taǵanuly Respýblıkalyq aqparat-nasıhat toby múshelerimen onlaın kezdesý ótkizdi.
Jıynda RANT jumysynyń 2022 jylǵa jospary, sondaı-aq eldegi tótenshe jaǵdaıǵa baılanysty jamaǵatqa aıtylatyn nasıhat pen beınedárister, ýaǵyzdardyń, baspasózge shyǵatyn maqalalardyń baǵyt-baǵdary talqylandy.
«Elimizdegi tótenshe jaǵdaıǵa jáne Epıdahýaldyń qaıta kúsheıýine baılanysty meshitterimiz taǵy da ýaqytsha jabyq tur. Degenmen ýaǵyz-nasıhat jumystary toqtamaıdy. Dinı basqarma 2022 jyldy «Islam – yntymaq pen birlik dini» dep ataýyna oraı RANT músheleri men ımamdarymyz el birligi, dinı senimde bólinbeý taqyryptarynda jamaǵatqa utymdy ýaǵyz-nasıhat aıtýy tıis» dedi Bas múftı Naýryzbaı qajy Taǵanuly.
Sondaı-aq jıyn barysynda RANT múshelerine arnalǵan semınar-trenıng ótkizý josparda bar ekeni aıtyldy. Al óz kezeginde RANT músheleri Bas múftıge ýaǵyz-nasıhatqa qatysty usynystaryn jetkizdi.
