NAÝRYZBAI QAJY TAǴANULY RAVIL GAINÝTDINMEN KEZDESTI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Álemdik jáne dástúrli dinder lıderleriniń VII sezine kelgen mártebeli meıman, Reseı musylmandary dinı basqarmasy jáne Reseı múftıler keńesiniń tóraǵasy, sheıh Ravıl Gaınýtdınmen kezdesti.
Kezdesý barysynda Álemdik jáne dástúrli dinder lıderleri seziniń mańyzy sóz bolyp, jahandyq jıynnyń dúnıejúzi halyqtaryn, barsha din ókilderin birlik pen beıbitshilikke úndep, olardyń ózara túsinistigi men tatýlyǵyna úles qosyp kele jatqandyǵy sóz boldy.
Ravıl Gaınýtdın halyqaralyq basqosýdyń joǵary deńgeıde ótkenin aıtyp, uıymdastyrý is-sharalaryna úles qosqan Qazaqstan musylmandary dinı basqarmasynyń ujymyna alǵysyn jetkizdi. Taraptar ekijaqty kelisim aıasynda dinı saladaǵy yntymaqtastyqty arttyra túsýdiń mańyzy jaıly áńgimelesti.
