Nazarbaev: Terrorıstik ıdeıalardy ustanatyndardy udaıy baqylaýda ustaý kerek
Elbasy Nursultan Nazarbaev Qazaqstan Respýblıkasynyń «Syrbar» syrtqy barlaý qyzmetiniń dırektory Ǵabıt Baıjanovty qabyldady, - dep habarlaıdy Aqorda saıty.
Kezdesý barysynda Memleket basshysyna syrtqy barlaý qyzmetiniń bıylǵy 6 aıda atqarǵan jumysynyń negizgi nátıjeleri jáne buǵan deıin berilgen tapsyrmalardyń oryndalýy jóninde málimdeldi. Nursultan Nazarbaev kórshi memlekettermen dostyq qatynastardy saqtaýdyń mańyzdylyǵyn atap ótti.
«Shet elderdiń arnaýly organdaryndaǵy áriptestermen tyǵyz yntymaqtastyqta bolý qajet. Terrorıstik ıdeıalardy ustanatyndardy, sonyń ishinde Sırııadan oralatyndardy udaıy baqylaýda ustaý kerek. Bul sizder atqaratyn jumystyń negizgi baǵyty sanalady», - dedi Qazaqstan Prezıdenti. Memleket basshysy kezdesý sońynda birqatar naqty tapsyrma berdi.
