«Nur-Múbárak» ýnıversıteti shyǵarmashylyq báıge jarııalaıdy!

Nur-Múbarak Egıpet ıslam mádenıeti ýnıversıtetinde memlekettik «Rýhanı jańǵyrý» baǵdarlamasy aıasynda el táýelsizdiginiń 28 jyldyǵyna  «Táýelsizdik jáne din» atty halyqaralyq shyǵarmashylyq báıgesi ótpek. Báıge eki baǵytta:

1. Dinı óleń-jyrlar

Bas júlde – Qajylyq
1-oryn: Ýmra qajylyǵy
2-oryn: 200 000 teńge
3-oryn: 100 000 teńge

2. Dinı pýblıtsıstıkalyq maqala

Bas júlde – Qajylyq
1-oryn: Ýmra qajylyǵy
2-oryn: 200 000 teńge
3-oryn: 100 000 teńge

Báıge maqsaty: Táýelsizdigimizdi ulyqtaý, beıbitshilik pen el damýyndaǵy dinniń róli, ulttyq qundylyqtardy nasıhattaý, dástúrli tálim-tárbıeniń asyl jaýharlaryn tanytý, otansúıgishtik uly muratty urpaq sanasyna sińirý, san ǵasyrlar boıy qalyptasqan dinı mura, salt-dástúrdi jas býyn boıyna darytyp, sanasyna qalyptastyrý. Sondaı-aq jas aqyndar men shyǵarmashyl jastardy qoldaý, Otan jáne din, týǵan jer, táýelsizdik jaıly jańa týyndylardyń jaryq kórip, nasıhattalýyna at salysý.

Báıge sharttary:

1. Qazaqstan jáne alys-jaqyn shetelderde bilim alýshy stýdentter qatysa alady (JOO, medrese, kolledj).

2. Eki baǵytta da bir materıaldan ǵana qabyldanady:  buryn esh jerde jarııalanbaǵan bolýy shart. 14 qarip túrimen 1,5 aralyqta terilgen, (óleń 3 betten, maqala 5 betten) aspaýy tıis. Talapqa saı kelmeıtin týyndylar qabyldanbaıdy.

3. Instagramm jelisindegi  @nmu_kz akkaýntyna jáne ondaǵy demeýshilerge tirkelip (podpıskı), pikir retinde 3 dosyn belgilep, osy aqparatpen óz paraqshasynda bólisý shart.

Merzimi: 2019 jyldyń 10 jeltoqsanǵa deıin media@nmu.kz Elektrondy poshtasyna jiberilýi tıis.

Qosymsha: Úmitkerdiń Aty-jóni, ózi jaıly qysqasha túıindemede shyǵarmashylyq jetistikteri bolsa, qosa kórsetý qajet. Irikteýden ótkender Almaty qalasynda Nur-Múbarak ýnıversıtetinde ótetin aqtyq synda arnaıy qazylar aldynda óz týyndysyn qorǵaı alýy tıis. Irikteýden ótken shet elde bilim alýshy stýdentterdiń aqtyq synǵa qatysýy qarastyrylady.

Uıymdastyrýshylar: Nur-Múbarak Egıpet ıslam mádenıeti ýnıversıteti, Qazaqstan Jazýshylar odaǵy,  «Egemen Qazaqstan»  respýblıkalyq gazeti» aktsıonerlik qoǵamy.