«NUR-SULTAN» MEShITINDE QARIIaLARǴA QURMET KÓRSETILDI
Halyqaralyq qarttar kúnine oraı «Nur-Sultan» meshitinde egde jastaǵy shákirtterge arnalǵan taǵylymdy is-shara ótti.
Úlkendi syılaý – halqymyzdyń ejelden qalyptasqan asyl qasıetteriniń biri. Islamdaǵy úlkenge qurmet, qarııanyń batasyn alý sekildi qundylyqtar qazaqtyń salt-dástúrimen sabaqtasyp, urpaq tárbıesiniń ajyramas bóligine aınalǵan. Osyny negizge alǵan meshit ujymy ataýly kúnge oraı qazynaly qarııalarǵa qurmet kórsetti.
Eki kúnge jalǵasqan sharaǵa meshitte bilim alyp júrgen 50-ge jýyq egde jastaǵy shákirt qatysty. Olardyń qatarynda jasy 85-ke kelgen qarııa da bar. Sondaı-aq sharaǵa ene men kelin, týǵan abysyndar sekildi týystyq qarym-qatynasty berik saqtap, birge bilim alyp júrgen jandar da qatysty.
Taǵylymdy kezdesýdi «Nur-Sultan» meshitiniń ımamy Qanat Qoıanbekuly ashyp, shákirtterdi Halyqaralyq qarttar kúnimen quttyqtady. Ol úlkenge qurmet kórsetip, qarııalardyń batasyn alýdyń mańyzyna toqtalyp, Quran aıattary men Paıǵambarymyzdyń ﷺ hadısterinen, sondaı-aq halyq danalyǵynan mysaldar keltirdi.
Sharany meshit ustazdary Qarlyǵash Qajymálikqyzy men Farıda Maratqyzy uıymdastyryp, qarııalarǵa arnaıy syı-sııapat jasady.
Kezdesý barysynda bilim alýdyń jasqa qaramaıtyny da kórinis tapty. Jasy ulǵaıǵanyna qaramastan dinı bilimin jetildirip júrgen shákirtter meshittegi taǵylymdy ortanyń bir bóligi retinde ózara pikir almasyp, merekelik kóńil kúı bólisti.
Izgi shara sońynda qarııalarǵa zor densaýlyq, uzaq ǵumyr tilinip, eldiń amandyǵy men shańyraqtardyń berekesi úshin duǵa jasaldy. Meshit ujymy úlkendi qadirleý, olardyń ónegesi men batasyn keıingi býynǵa jetkizý – ulttyq ári dinı qundylyqtardy sabaqtastyratyn mańyzdy dástúr ekenin atap ótti.
