Nur-Sultan ortalyǵyndaǵy kúmbezdiń jańa Eskızderi jarııalandy (FOTO)
Nur-Sultan sáýlet, qala qurylysy jáne jer qatynastary basqarmasy elordanyń ortalyǵyndaǵy sýly-jasyl jelek býlvaryn kúmbezben jabý jobasynyń jańa Eskızderin kórsetti, - dep habarlaıdy Tengrinews.kz tilshisi.
Basqarma basshysy Nurlan Oranhaevtyń aıtýynsha, ázirshe ınvestorlar bul jobaǵa tolyqqandy kirispegen.
"Búginde qurylys ındýstrııasy tehnologııalyq turǵydan óskeni sonshalyq, mundaı jobalardy salýǵa bolady. Biz "Han Shatyrǵa" baramyz, bul da úrmeli kúmbez. Oǵan eshkim mán bermeıdi. Biraq munda turǵyndar úshin úlken keńistikter bar. Bıznes óz aqshasyn bóledi, qaýip-qaterdi esepteıdi jáne muny jasaýǵa bolady dep sanaıdy. Nege bolmasqa? Qysta, tipti, mınýs 40 bolmasa da, mundaı ǵımaratta serýendeý qyzyqtyraq. Bul qyzyq joba", - dedi Nurlan Oranhaev.
Nur-Sultandaǵy sýly-jasyl jelek gúlzaryn kúmbezben jabý 2017 jyldyń aqpanynda usynylǵan. Sol kezde Tuńǵysh Prezıdent - Elbasy Nursultan Nazarbaev BAÁ-de ınvestorlarmen kezdesken. Sáýletshilerdiń jospary boıynsha býlvardyń bári shatyrmen jabylady, bul eń qatty aıazda da qolaıly mıkroklımat jasaýǵa múmkindik beredi.
Jazda kún sáýlesine kedergi keltirmeý úshin shatyrdy bir-birinen alshaqtaıdy dep josparlanǵan.
BAÁ-degi kezdesý kezinde Calatrava Grace Corporation kompanııasynyń bas dırektory MıkaEl Kalatrava (Santıago Kalatravanyń uly) kompanııa bas sáýletshi retinde ǵana emes, ınvestor retinde de jumys isteýge nıetti ekenin aıtqan. Sol kezde MıkaEl Kalatrava kompanııanyń óz qarajatynan 15 paıyzǵa deıin bólip, bastapqy IPO arqyly qosymsha qarjy tartýdy josparlap otyrǵany týraly túsindirgen. Osylaısha, bul jobany júzege asyrýǵa el bıýdjetinen bir teńge de jumsamaý josparlanǵan bolatyn.
2017 jyldyń 27 qarashasynda Nursultan Nazarbaev elordada áıgili ıspan sáýletshisi Santıago Kalatravamen kezdesý kezinde jabyq dańǵyl ıdeıasy týraly aıtqan.
"Meniń oıymsha, ortalyqtaǵy osy turǵyn aýdanda turǵyndar úıinen sheshinbeı nemese kıim aýystyrmaı shyǵatyn jabyq dańǵyl bolady. Munda dúkender, mádenı is-sharalar, bálkim mektepter, jáne Toronto jáne basqa qalalardaǵydaı turǵyndar sonda serýendeıdi, bir-birimen sóılesedi. Siz osy jobany qolǵa alyp, júzege asyrýǵa nıet bildirdińiz", - degen edi Nazarbaev 2017 jyly.
Nurlan Oranhaev ınvestorlar jobadan bas tartpaǵanyn atap ótti.
Calatrava Grace Corporation kompanııasynyń saıtynda Qazaqstandaǵy kópfýnktsıonaldy júrginshiler dáliziniń Eskızi jarııalandy. Onyń uzyndyǵy - 2,2 shaqyrym, 200 myń sharshy metr. Kompanııa ázirleýshi jáne qosalqy demeýshi retinde jumys isteıtini kórsetilgen. Saıttaǵy málimetter boıynsha, kelisim somasy - birinshi kezeńde 330 mıllıon dollar.
