«Nurly júrek» ortalyǵyndaǵy jetim sábılerge qýanysh syılady (FOTO)
El astanasyndaǵy «Yryskeldi qajy» meshitiniń «Názik» qyz-kelinshekter klýby Nur-Sultan qalasy ákimdiginiń «Nurly júrek» áleýmettik qyzmet kórsetý ortalyǵynda em qabyldap jatqan jetim sábılerdi arnaıy zııarat jasap, túrli syılyqtaryn tartý etip qaıtty.
Meshit ustazy Zarına Júkenovanyń jetekshiligimen klýb músheleri ortalyqtaǵy balalarǵa arnalǵan damytýshy Eko-oıynshyqtar, ortopedııalyq kilemsheler men doptar, sondaı-aq tátti taǵamdar men shyryndar, arnaıy balalar taǵamdaryn tabystady.
«Yryskeldi qajy» meshitiniń bas ımamy Iahııa qajy Abdollauly ıgi sharaǵa aıryqsha qoldaý kórsetip, «Názik» kýlbynyń múshelerimen júzdesip, aq batasymen shyǵaryp salǵan bolatyn.
