Oblystyń ókil ımamdary Bas múftıge esep berdi (FOTO)

Búgin Almaty qalasynda Bas múftı Serikbaı qajy Orazdyń tóraǵalyǵymen Qazaqstan musylmandary dinı basqarmasynyń keńeıtilgen tóralqa məjilisi ótti.

Məjiliske QMDB bólim meńgerýshileri, respýblıkalyq mańyzy bar Astana, Almaty, Shymkent qalalary men oblystyń bas ımamdary qatysty. 

Esepti basqosýda ókil ımamdar pətýa berý, jamaǵattyń saýalyna jaýap jazý, dinı oqý aǵartý, ýaǵyz, úgit-nasıhat, dinı kadr daıarlaý, saýat ashý, dəstúrli emes dinı baǵytty ustanatyn azamattarǵa jeke túsindirý sharalaryn uıymdastyrý, BAQ jəne ǵalamtormen jumys, əkimshilik, baqylaý-basqarý is-sharalary, əıel-qyzdar, jastar sektorynyń jumysy, qaıyrymdylyq jasaý, t.b. atqarylǵan aýqymdy is-sharalar baǵytynda esep berdi.

"Esepterińizdi qarap shyqtym. Jalpy nətıje jaqsy. Ilgerileý bar. Deıturǵanmen, ərbir tapsyrmany belsendi túrde atqarý qajet. Biz qoǵamda atalar men əjeler ınstıtýtyn damytýymyz tıis. Bul qadam din qyzmetkeriniń jumysyna úlken serpin beredi dep sanaımyn. Sonymen qatar, qoǵamda otbasy qundylyǵyn arttyrýǵa mən berýimiz kerek. Ǵalamtormen jumysty kúsheıtip, azamattar tarapynan túsken saýaldarǵa der kezinde jaýap berýdi toqtatpaýymyz tıis", - dep atap ótti QMDB tóraǵasy Serikbaı qajy Satybaldyuly.

Məjiliste 2018 - "Islam jəne otbasy" jyly aıasynda atqarylǵan ıgi jumystardyń da esebi tyńdaldy. 

Dəstúrli esep berý tóralqa məjilisinde 2019 jyldyń jospary talqylanyp, bekitildi.