«ÓKILDIK SAǴATYNDA» AQMOLA OBLYSYNYŃ JUMYS ESEBI TYŃDALDY (FOTO)
Búgin Astanada Bas múftı Naýryzbaı qajy Taǵanulynyń tóraǵalyǵymen kezekti «ókildik saǵaty» ótti.
Onlaın formatta ótken jıynǵa QMDB qyzmetkerleri men Aqmola oblysynyń ımamdary qatysty. Jınalysty ashqan Naýryzbaı qajy Taǵanuly: «Ókildik saǵaty» jobasynyń basty maqsaty – oblys ımamdarynyń óńirde atqaryp jatqan jumystarymen jaqyn tanysyp, tıisti nusqama, qajetti keńes berý, sonymen qatar QMDB qyzmetkerleri men oblys ımamdarynyń ortaq jumystaryn júıeli túrde úılestirý. «Ókildik saǵaty» jobasy dinı saladaǵy is-sharalarymyzdy sapaly ári joǵary deńgeıde uıymdastyrýǵa serpin beredi dep senemin» dedi.
Jınalys barysynda Aqmola oblysynyń bas ımamy Qýanysh Jumabaıuly Bas múftıge jyl basynda bekitilgen bes baǵyt (din men dástúr, izgi qoǵam, ıhsan jáne nasıhat, dinı oqý-aǵartý, jat dinı aǵymdardan saqtandyrý) boıynsha atqarylǵan jumystar jaıly esep berdi. Sonymen qatar bes baǵytqa jaýapty QMDB bólim meńgerýshileri Aqmola oblysynyń ımamdaryna jumysty jetildirýge qatysty usynys-pikirlerin jetkizdi.
Jıyn sońynda QMDB Tóraǵasy múftııat qyzmetkerleri men Aqmola oblysynyń ımamdaryna naqty tapsyrmalar júktep, jyl basynda bekitilgen jumys josparyna sáıkes is-sharalardy joǵary deńgeıde uıymdastyrýdyń mańyzyn atap ótti.
