ÓSKEMENDE VII OBLYSTYQ AQSAQALDAR FORÝMY ÓTTI (FOTO)
«Islam jáne izgi qoǵam» jylynyń aıasynda Shyǵys Qazaqstan oblysynyń ókildiginiń uıymdastyrýymen «Shyǵys óńirinde rýhanııat mektebin qalyptastyrǵan tulǵalar jáne olardyń muralaryn nasıhattaý máselesi» taqyrybynda VII oblystyq aqsaqaldar forýmy ótti.
Forým jumysyna QMDB tóraǵasynyń orynbasary, naıb múftı Ershat Ońǵar jáne dintanýshy ǵalymdar, ımamdar, qarııalar uıymdarynyń ókilderi, aqsaqaldar, oblystaǵy zııaly qaýym ókilderi qatysty. Jıyndy ashyp sóz sóılegen naıb múftı Ershat Aǵybaıuly QMDB tóraǵasy, Bas múftı Naýryzbaı qajy Taǵanulynyń aqsaqaldaryna arnaıy sálemin jetkizdi.
«Ulaǵatty tárbıeniń negizgi ózegi salt-dástúrmen dástúrli Islamda jatyr. Aǵa býyn ulaǵatty bolsa, ata aqylǵa baı, áje meıirimdi bolsa bolashaq urpaq sanaly bolady. Qazaqtyń ulaǵatty tárbıesin aqsaqaldy atamen aqjaýlyqty áje urpaq sanasyna sińirýi kerek. Bizdiń aǵa býynnan úırenerimiz kóp. Aqsaqaldar forýmyn dinı basqarma tarapynan Respýblıkalyq deńgeıde ótkizdik. Mine, osy sharalardyń negizgi maqsaty ulttyq tárbıeni jańǵyrtý, Islammen ushtastyra damytý. QMDB tóraǵasy, Bas múftı Naýryzbaı qajy Taǵanuly aqsaqaldar ınstıtýtyn damytýǵa aıyryqsha kóńil bólip otyr» naıb múftı.
Forýmda «Aqsaqaldar alqasy» ShQO boıynsha tóraǵasy M.Muhametjanov, qalalyq «Mýhamadı» meshitiniń bas ımamy Ibrahım qajy Qarnaqbaıuly, qoǵam qaıratkeri, professor Nábıolla Kemeshev, dintanýshy Berik Kádiruly qatarly kóptegen tulǵalar sóz alyp aqsaqaldar jáne rýhanııat máselesi jóninde ózekti oılaryn ortaǵa saldy. QMDB ShQO boıynsha bas ımamy Ermek Qasbolatuly forýmdy qorytyp sóz sóılep, bul sharanyń mán-maǵynasyn baıandap, Memleket basshysy atap ótken dástúrli Islamdy damytý, ult ǵulamalarynyń eńbekterin nasıhattaýda aıyryqsha mańyzǵa ıe ekendigin jetkizdi.
