Ózbekstanda halyqaralyq quran ortalyǵy ashyldy
Ózbekstan astanasy Tashkentte halyqaralyq deńgeıdegi Quran ortalyǵy resmı túrde ashyldy. Bul mańyzdy shara «Ortalyq Azııa: ortaq rýhanı-aǵartýshylyq mura – ortaq bolashaq» atty halyqaralyq konferentsııa aıasynda ótti.
Ashylý saltanatynda Islam órkenıetine asa qundy sanalatyn sırek qoljazbalar kórmege qoıyldy. Qonaqtar nazaryna Osman ıbn Affan zamanynan qalǵan Quran Kárimniń túpnusqasy jáne ıslam áleminiń ár túkpirinen jınalǵan qoljazbalar usynyldy.
Shara barysynda musylmandyq derekkózderdi zertteý men saqtaýdyń mańyzy jan-jaqty talqylandy. Konferentsııaǵa qatysqan Qazaqstan musylmandary dinı basqarmasynyń ókili, PhD doktory Nurlan Qaıyrbekov qazaq halqy men Bas múftıdiń sálemin jetkizip, Ortalyq Azııa ǵulamalarynyń qoljazbalaryn zertteýdiń mańyzy týraly baıandama jasady.
Is-shara sońynda qatysýshylar Islam órkenıeti ortalyǵynyń qyzmetimen jáne jańa kitaphanasymen tanysty.
