PÁTÝA MAMANY – HALYQARALYQ KONFERENTsIIaDA (FOTO)
QMDB Sharıǵat jáne pátýa bóliminiń mamany, ıslamtanýshy Medet Qurmashuly Bas múftı Naýryzbaı qajy Taǵanulynyń tapsyrmasymen Mysyrda ótken halyqaralyq konferentsııaǵa qatysty.
«Pátýa jáne turaqty damý maqsattary» taqyrybynda ótken VII halyqaralyq konferentsııa Mysyr Prezıdentiniń qoldaýymen uıymdastyryldy. Osy eldiń pátýa bólimi ótkizgen halyqaralyq jıynǵa Islam áleminiń 91 elinen múftıler men din ǵalymdary, Mysyr múftıi Shaýqı Ibrahım Allam men áıgili ǵalym Álı Juma arnaıy qatysty.
Eki kúnge sozylǵan konferentsııada áleýmettik, mádenı jáne Ekologııalyq damý maqsattaryna jetýdegi pátýanyń róli talqylandy.
Konferentsııa jumysy negizinen úsh baǵytta boldy. Birinshi, qatysýshylar turaqty damý maqsattaryna jetýdegi pátýanyń róline toqtalsa, ekinshi baǵyt damý jolyndaǵy kedergilerdi sheshýdegi pátýanyń róline arnaldy. Úshinshi baǵyt retinde pátýa jáne ulttyq Ekonomıkany qoldaý qarastyryldy.
Halyqaralyq jıyn barlyq pátýa mekemelerin bilim, áleýmettaný, Ekonomıka, Ekologııa jáne buqaralyq aqparat quraldary sııaqty ártúrli damý salalaryndaǵy ǵalymdar jáne sarapshylarmen baılanysa otyryp, pátýany damytý úshin tıimdi paıdalanýǵa shaqyrady.
