Prezıdent Qoja Ahmet Iasaýı kesenesine bardy (FOTO, VIDEO)

Memleket basshysy Qasym-Jomart Toqaev Qoja Ahmet Iasaýı kesenesine bardy. Bul týraly Prezıdenttiń baspasóz qyzmeti habarlady.

Qasym-Jomart Toqaev Túrkistandaǵy Qoja Ahmet Iasaýı kesenesin aralaý barysynda kúmbezdiń tarıhı kelbetin saqtaı otyryp júrgizilgen jańartý jumystarynyń nátıjelerimen tanysty. Atap aıtqanda, keseneniń jeldetkish qabattary rettelip, kúmbez etegindegi segiz qyrly qosyndyǵa gıdrooqshaýlaý jumystary júrgizilgen. Sondaı-aq «Áziret Sultan» memlekettik tarıhı-mádenı qoryq-mýzeıiniń aýmaǵyndaǵy tarıhı oryndar qaıta qalpyna keltirilip, kesene aldyna týrıster demalatyn qalyń baý-baqshaly alańqaı salynǵan.

Prezıdent Qasym-Jomart Toqaevqa atqarylǵan jumystardyń barlyǵy IýNESKO-men kelise otyryp júrgizilgeni jóninde baıandaldy.