QADIR TÚNI: «ÁZIRET SULTAN» MEShITINDE QARILAR JAMAǴATTYŃ ALǴYSYNA BÓLENDI (FOTO)

Qadir túninde «Áziret Sultan» meshitinde Quran Hatym aıaqtalyp, Bas múftı Naýryzbaı qajy Taǵanulynyń qatysýymen duǵa jasalǵan bolatyn. Myńdaǵan jamaǵat qol jaıyp, Allaǵa duǵa etken saýapty sátten soń Ramazan boıy taraýıh namazdarynda ımamdyqqa shyǵyp, jamaǵatty áýezdi únimen Quran sózine sýsyndatqan qarılarymyzǵa qurmet kórsetildi.

Aıta keteıik, bıyl meshitimizdegi taraýıh namazdaryn «Áziret Sultan» meshitiniń naıb ımamy Sadyrhanov Jumanazar qarı; Mysyr eliniń týmasy, «Ál-Azhar» ýnıversıtetiniń «Quran tápsiri» jáne «Qyraǵat» bóliminiń ustazy, Qurannyń 10 qyraǵatynan ıjazaly mýjız qarı Doktor Iasır Ahmad Assýtýhı; «Nur-Múbarak» ýnıversıtetiniń túlegi Muratov Temirjan qarı, IX Respýblıkalyq Quran jarysynda «Mánerlep oqý» nomınatsııasynda júldeger atanǵan Rysbek Ádilet qarılar júrgizgen bolatyn.

Allanyń sózin jattaǵan qarılarǵa Astana qalasynyń bas ımamy Erbolat Nuryldauly jamaǵat atynan rızashylyq bildirip, alǵys hatpen marapattady. Kópshiliktiń ystyq yqylasyna bólengen qarılarymyzǵa qazaqy dástúrge saı shapan jabylyp, aqsaqaldyń aq batasy berildi.

Sýretterdi «FOTOGALEREIa» aıdarynan kóre alasyz!

Источник: Aidos